السلام عليكم و رحمة الله
tabkh maroc يقدم لكم الجديد لكل ما يهم المرأة المغربية
نقدم لكم سيدتي : أسرار جد مهمة لزيادة اللذة في الطبخ
نقدم لكم سيدتي : أسرار جد مهمة لزيادة اللذة في الطبخ
–1 الطاجين باش يجيك مزيان متكثريش الماء و العطرية خلطيها بوحدها فشي زلافة و ديري ليها شوية ديال الماء عاد كبيها على الطاجين و بهاد الطريقة الطاجين تيجي متشبعيش منو و لي كلاه تيشكرو
– 2فالدجاج المشوي ديري، هاد الخلطة كتجي لذيذة : الثوم + الحامض + التحميرة + شوييية د الحار + الملح + الزعتر + البزار + سكينجبير + القزبر حبوب + الزيت البلدية و بيتي الدجاج فيه و من بعد شويه
–3 بالنسبة للكيك على سبيل المثال كاين اللي يبقى يحزر و يبزر فيه ومكطلعش ليه والسر ديالها هو لخميرة ديال الدار اياه ديال الخبز قبل ما ديري دقيق ديري جهد معلقة صغيرة خميرة ديال الخبز و تحريها حتى ذوب وديري دقيق وخميرة الحلوى.
– 4سر خطير أخر ف الكيك كيخلي الكيكة مفرقعه بحال الا فيها قنبوله هههههههه هو كاس ديال الماء بارد كديريه مع المقادير سواء ف الاول ولا ف الاخير وكتجي عالية وكتحمق وهكا غيبقاو ديما يسولوك على السر
–5 وهاد الكيكة زوينة و اقتصادية ديال الماء كتجي زوينة وعادية بحال الكيكات لخرين كديري فيها كاس ونصف سنيدة و 2 بيضات وكاس الزيت و1 خمارة رابعة دقيق و كاس ماء سخون يعني طايب 2 معالق شكلاط غبرة كطربي البيض مع سنيدة وضيفي زيت والماء السخون والشكلاط غبرة ونتتي كضربي ونحركوا كلشي وننصبوه في مول مدهون ودخليه للفرن ومنين طيب زينيه بالشكلاط ولا باش حبيت
– 6إلى بغيتي البنة في الطاجين أو الدجاج محمر أو لحم محمر أو الحريرة أو الكسكس دائما ديري طريف ديال كنور البكري وخا يكون الدجاج.
–7 اللوز باش ميتحرقش في القلي وضعيه في الزيت باردة بلا متخليها تسخن وعلى نار متوسطة.
–8 فطاجين الحوت صلقي نصف كاس صغير من الروز نصف سلقة فشي كاسرونة ديري الماء شوية زايد علاش؟ لأنه هو الماء لي غدي نسقيوا بيه الطاجين كيجي الطاجين ملبي وخاثر ياسلام
وفي طاسة كبي الروز بماه و زيدي عليه الشرمولة وقوام الطاجين ومعلقة ديال معجون ماطيشة و بقاي توزعي علا الطاجين دالحوت بمعلقة ومتنساوش شوية ديال الزعتر وورقة سيدنا موسى
وفي طاسة كبي الروز بماه و زيدي عليه الشرمولة وقوام الطاجين ومعلقة ديال معجون ماطيشة و بقاي توزعي علا الطاجين دالحوت بمعلقة ومتنساوش شوية ديال الزعتر وورقة سيدنا موسى
– 9وسر أخر للبنة هو الهريسة بشكل قليل باش تطلق البنة وما تطلقش الحرور وكيجي الطياب لذيذ وهائل والهريسة ممكن استعمالها فالمرق ولاصوص والبيتزا والشرمولة
– 10 والمايونيز باش تصدق خاص مولينكس متكونش فيها حتى قطرة ديال لما.
( شهية طيبة )
ليست هناك تعليقات:
إرسال تعليق