دقيق - خميرة فوريه - بيض - لبن - سكر - ملح - زيت زيتون - مسطردة
المقادير:
1 كيلو دقيق يكفي لعمل 4 بيتزا مثل الي ف الصورة ويستحسن يبقى نص دقيق عادي والنص التاني خمس نجوم او نوع يكون مزيان ويتخلطو على بعض.
نصف كوب لبن.
بيضة واحدة.
معلقة مسطردة.
3 معالق كبيره زيت زيتون.
معلقة ملح.
2 معلقة كبيره سكر بودره.
طريقة عجيبنة البيتزا الإيطالي:
هتحطي المقادير كلها مع بعض في وعاء ماعدا الخميره يعني اللبن والبيض والسكر والملح والزيت والمسطردة والمايه مع بعض وتقلبيهم مزيان ,
وبعد كدا تحطي الخميرة فوق الدقيق بلاش تقلبيها في ميه لوحدها..البيتزا جني مزيان بحيث العجينة تطلع معاكي متماسكة ومتلزقش ويكون فيها عرق..
هتحطي العجينة في كيس وتسيبيها تاخد وقت تخمر براحتها ممكن تاخد ساعتين الاكانت الخميرة مزيانة
طريقة فرد العجينة:
تقسمي العجينة الى نصفين بحيث يكون كل نصف منهم من 200 الى 250 جرام وتدوريها مزيان وبعد تفرديها بدقيق بحيث تكون كلها متساوية مفيش حته عاليه عن التانيه,
ولو حسيتي انها صعبة في الفرد سيبيها بعد متكوريها في الدقيق شوية تريح وتكون اسهل.
الجبنة:
بشو ناس بتزود انواع جبن غريبه شلال والجبنة السورية.. بس المعروف عن البيتزا الايطالي (الموزريلا, الرومي, الشيدر, الكيري, فلامنكو)
يريت بلاش العبوات ال400 جرام عشان هتكون غالية ومش كويسة زي (الملكة والاطباء) افظل نوعين واذا ملقيتهمش هاتي جبنة موتزريلا سايبه احسن,
ومتأمليش انها هتبقى زي بيتزا هت 100% لانهم عندهم مصنع مخصوص بيصنع لهم الجبنة بالدسم الي هما عايزينه
الفورمة او الصينية:
قومي بدهان الفورمة او الصينية زيت بسيط بعدين حطي العجينة بعد مفردتيها فالفورمه وغطيها بكيس بلاستيك بعد كدا ممكن تحطيها في التلاجة شوية.
الصوص:
صلصة متسبكة ببصل وتوم وجزر مبشور وفلفل حامي بسيط,
وتتبليها بملح وفلفل اسود وزعتر خشن اهم حاجة الزعتر اوعي تنسيه.
نصائح:
الخميرة لو كويسة بتحطيها على الدقيق قبل ماتعجني, ولو ضعيفة دوبيها في ميه دافية ولو اضعف ممكن تزودي شوية 7UP صغيرين خالص يفوروا الخميرة.
شرائح الفلفل والزيتون والطماطم اساسية على اي بيتزا.
تفردي الصوص على البيتزا بعيدا عن الاطراف.
تخرمي العجينة بشوكة بس متكتريش.
المسطردة فايدتها في عجينة البيتزا انها بتدي لون حلو وبتخلي العجينة تق ودي مش هتفهموها غير ماتجربوها ولو مش موجوده عادي.
الملح بيخلي للعجينة عصب مش عشان يحدقها.
السكر البودرة في عجينة البيتزا لتحمير الارضية مش يخليها مسكرة ولا حاجة هو للتحمير فقط.
حطي رشة جبنة رومي بسيطة على الصوص وبعد كدا الحشو وافردي الحشو كويس والحشو يكون قطع صغيره وتحطي الفلفل والزيتون والطماطم بعديهم الموتزريلا.
كيلو الجبنة الموتزريلا بيعمل ست بيتزات من الي في الصورة.
الجبنة بتتحط قبل ماتدخل الفرن, مفيش حاجه اسمها قبل ماتستوي احط الجبنه.
الميه الي هتعجني بيها تكون دافيه ومتستعجليش عليها سيبيها تخمر براحتها بس الاهم حطو العجينة في كيس بلاستيك بعد ماتعجنوها وتتساب في مكان دافئ عشان تخمر كويس.
البيض مبيعملش زفارة وبيطعم العجينة.
الصينية او الفورمة حرفها ميكونش اعلى من 2 سم عشان الشكل والتسوية.
التسوية:
التسوية ليها عامل كبير اهتمو بيها..
افران المطاعم بتبقى معظمها مهيئة للبيتزا مخصوص وبتبقى افران ايطالية درجة حرارتها بتبقى مجمل 1000درجة مئوية,,
الشاطرة هي الي تعرف تظبط نارها..
ولو الشوايه والارضية مبيشتغلوش مع بعض يبقى نسوي الوش الاول لان الارضية مبتخدش وقت وبعديين نغطي الوش بغطا كويس ونسوي الارضية
درجة حرارة الوش 300.
والارضية 100 او اقل على حسب ماتحمر معاكي.
اديها رشة زعتر على الوش بعد ماتطلع. تقطع وبالصحة والراحة
ليست هناك تعليقات:
إرسال تعليق